Sanaartornermut aningaasartuutinut naleqqersuut

2016 juulimi sanaartornermi aningaasartuutinut naleqqersuut ukiup ataatsip ingerlanerani 1,5 pct.-imik qaffassimavoq, taamaattorli aningaasartuutit katillugit 1,6 pct.-imik ukiup affaanut qaffassimallutik. Sanilliussinermi ukioq ataaseq sioqqullugu piffissami 2015 januaarimiit 2015 juulimut allannguut 1,8 pct.-iuvoq .

 

Titartagaq 1. Sanaartornermi aningaasartuutinut naleqqersuutip ukiup affakkaartumik allanngorarnera 2013 januaarimiit 2016 juulimut

Najoqqutaq: http://bank.stat.gl/PRNBYG1

 

Piffissami juuli 2016, ukiup affaanut naleqqersuut nikinneranut akissarsiat 1,9 pct.-imik qaffannerinik pissuteqarpoq, tamanna 0,90 procentpointinik naleqqersuummut ilapittuutaavoq. Atortussanut aningaasartuutit 1,8 pct.-inik qaffariarput, 0,64 procentpointinik naleqqersuummut ilapittuutaalluni. Angallassinermi aningaasartuutit allanngunngillat 0 pct.-iugami.

 

Titartagaq 2. 2009 januaarimiit 2016 juulimut sanaartornermi aningaasartuutinut naleqqersuut

Najoqqutaq: http://bank.stat.gl/PRNBYG1